Іс-шаралар

Өнер фестивалі – 2025

2025 жылдың 14 сәуір күні Түркістан облысы білім басқармасының «Облыстық қосымша білім беруді дамыту орталығы» КММ-нің ұйымдастыруымен облыс көлеміндегі мектеп-интернат білім беру ұйымдары арасында «Біртұтас тәрбие» бағдарламасын насихаттау мақсатында «Біздің бірлігіміз – болашақтың білімінде!» атты өнер фестивалі өтті. Аталмыш шараны «№11 санаториялық мектеп-интернаты» КММ жоғары деңгейде қабылдап, өз шаңырағында өткізді.

Фестивальге арнайы қонақтар – Түркістан облысы білім басқармасының «Облыстық қосымша білім беруді дамыту орталығы» КММ-нің әдіскерлері Айтов Мырзарайым және Көшенов Алмат қатысып, қазылар алқасының мүшесі ретінде өнерпаздарға әділ бағасын берді.

Фестиваль аясында мектеп-интернаттың фойесінде оқушылар мен мұғалімдердің шығармашылық еңбектерінен құралған қолөнер көрмесі ұйымдастырылды. Көрмеге ұлттық нақыштағы бұйымдар, тұрмыстық заттардың креативті үйлесімдері, композициялық жұмыстар және оқушылардың жеке шығармашылық туындылары қойылды. Қазылар алқасы көрменің мазмұнын жоғары бағалап, қатысушылардың ізденісі мен еңбегіне оң пікір білдірді.

Фестиваль бағдарламасы мектеп-интернаттың тәрбиешісі, облыстық «Өнерлі ұстаз – 2021» байқауының жүлдегері Әзімбек Ынтымақ пен дене шынықтыру пәнінің мұғалімі Мирзабаев Арманбектің жүргізуімен өрбіді.

Концерттік бағдарлама барысында мектеп ұжымы мен оқушылар көпшілікке өз өнерлерін паш етті. Сахнада:

• Хор ұжымы «Аманат» әнін орындады;

• «Жұлдыздар» би тобы «Ферғананың қыздары» өзбек биін және «Шалқыма» қазақ биін ұсынды;

• 7 “б” сынып оқушысы Иргашбай Ләйлә «Аяулы ана» әнін орындады;

• 9 “б” сынып оқушысы Оразбек Нұргелді «Алаш ұраны» әнімен көрерменді тебірентті;

• «Бала арманы» атты театрландырылған қойылым сахналанды;

• Көркем сөз оқылып, оқушылар өз шығармашылықтарымен бөлісті;

• Халық аспаптар ансамблі, ВИА және жеке орындаушылар өз өнерлерін ортаға салды;

• 3 “а” сынып оқушысы Азодбек Хамидов «Тәуелсіздіктің таңы» әнімен фестиваль шымылдығын жапты.

Фестиваль соңында қазылар алқасы барлық қатысушылардың өнеріне оң бағасын беріп, үздік деп танылған өнерпаздарға мадақтамалар табыстады. Жетекшілерге алғыс білдірілді.

Мектеп директоры Айгуль Мирзалиева және тәрбие ісі жөніндегі орынбасары Омар Тілеуович қатысушылар мен ұйымдастырушыларға ризашылықтарын білдіріп, шығармашылық табыс пен сәттілік тіледі. «Бүгінгі сурет — ертеңгі тарих» дегендей, естелік суретке түсіп, ерекше көңіл-күймен тарқасты.

Үйірменің мақсаты: Оқушыларға салауатты өмір салтын насихаттау, әрі денсаулыққа аса пайдалы спорт түрін кеңінен тарату.

Үстел теннисі ойынының адам денсаулығына пайдасы өте зор. Атап айтсақ:

1.Үстел теннисін ойнау қол-көз координациясын жақсартады, ақыл-ойды сергітеді

2. Ойлау шапшаңдығын арттырады

3. Мидың саулығын сақтайды және мидың түрлі бөліктерінің жұмысын жақсартады.

4. Буын ауруларына пайдасы өте зор.

Оқушылар үйірмеге өте белсенді қатысып,

аудан көлемінде өтіп жатқан бәсекелерде жүлделі орындардан көрініп келеді

“№11 санаториялық мектеп-интернаты” коммуналдық мемлекеттік мекемесінің дене шынықтыру пәні мұғалімі Мирзабаев Арманбектің жетекшілігімен қыздар арасында “Волейбол” үйірмесі жұмыс істейді.

Үйірме барысында оқушыларға волейбол ойыны туралы жалпы түсінік беріліп, негізгі техникалық әдіс-тәсілдер үйретіледі. Сабақтан тыс дайындық кезінде «Допты жоғарыдан және төменнен екі қолмен қабылдау» тақырыбы аясында жаттығуларөткізілді.

Жаттығулар оқушылардың дене дайындығын арттырып қана қоймай, оларды икемділікке, шапшаңдыққа баулып, ақыл-ойын, ойлау қабілетін дамытуға бағытталған. Үйірме қыздардың салауатты өмір салтын ұстануына, спортқа қызығушылығының артуына және ұжымдық ойын арқылы бірлікке тәрбиелеуге септігін тигізуде

Шахмат – бұл спорт, ғылым және өнер. Шахмат – ой-сананың белсенділігін талап ететін ойын. Ол кез келген адамды терең ойлауға жетелеп, тапқырлыққа баулиды. Ойлау мен сананың үйлесімді дамуы, уақытты тиімді пайдалану, дұрыс шешім қабылдай білу сынды өмірлік маңызды қасиеттерді бала бойына сіңіреді.

Үйірменің мақсаты – оқушыларды шахматтың шығу тарихымен таныстыру, ойын ережелерін үйрету, теориялық білім беру, сайыстарұйымдастыру, ойын мәдениетін қалыптастыру, ұқыптылық пен тәртіпке баулу, жеке қабілеттерін дамытуға ынталандыру.

Осы мақсатта “№11 санаториялық мектеп-интернаты” КММ-де «Шахмат» үйірмесі жұмыс істейді. Үйірмеде жас шахматшылар фигуралардың жүрісін, олардың салыстырмалы құндылығын меңгеріп, шахмат әлеміне терең бойлап, нағыз интеллектуалды ойынның қыр-сырын үйренуде.

Оқушыларымыз аудандық және облыстық турнирлерде үздік нәтиже көрсетіп, жүлделі орындарға ие болуда.

«Шахмат» үйірмесінің жетекшісі – №1 БЖСМ Қасымбеков Сүндет.

Волейбол спорты қоғамға жат қылықтармен күресуге көмектесетін, ұжымдық және өзара көмек беру сезімдерін жетілдіретін, жоғары адамгершілік қасиеттерді қалыптастыратыны – өмірде белгілі болған қағидалар. Күштілік, төзімділік, жылдамдық, икемділік, сергектік, өмірге деген құштарлық, мықты денсаулық тәрізді сапалы қасиеттер спорт арқылы орнығып, қалыптасады. Волейболшы болу оқушылардың барлығының бірдей мақсаты болмас, бірақ дені сау, қоғамымызға пайдалы азамат болып өсу – бәрінің де парызы.

Мақсаты:

1. Оқушыларды волейбол ойынын үйрету арқылы ойнау деңгейлерін жетілдіру арқылы жоғары деңгейлі спортшыларды дайындау.

2. Салауатты өмір салтын қалыптастыру.

Міндеттері:

1. Оқушылардың мүмкіндіктерін ескере отырып, допты ойынға қосу және қабылдаудың техникасын және алаңда орналасу тәртібін қалыптастыру.

2.Волейбол ойынының тиімді әдіс-тәсілдерін іздестіру нәтижесінде үйірме жұмысын жандандыру.

3. Түрлі деңгейдегі жарыстарға қатысу арқылы тәжрибені шыңдау.

Тәрбиеленушілеріміз ауданымызда өтіп жатқан турнирлерде жүлделі орындардан көрініп, мектебіміздің намысын қорғап келеді.

#Сенбілік #Экология #