Түркістан облысының білім басқармасының “№11 санаториялық мектеп-интернаты” КММ -де “ОҚУҒА ҚҰШТАР МЕКТЕП” жобасы аясында “Мен оқыған бір ертегі “ , “Бір сынып - бір кітап “ челленджінің жоспарына сай мектеп кітапханасында 9 а сынып оқушыларының қатысуымен жазушы Сәкен Жүнісовтың «Аманай мен Заманай» кітабына талдау жасап сахналады.
Мақсаты: жас оқырмандарға жазушы Сәкен Жүнісов туралы кеңінен таныстыру. Өмір және еңбек жолын әңгімелеу, үлгі болар өнегесін жас ұрпаққа пашету.Іс шараға Қ.Өміралиев атындағы балалар кітапханасының кітапханашылары Байтұрсынова Жұлдыз және Эльмира Қыстаубаева қатысты. Оқушылар арнайы дайындалған сұрақ жауапқа белсене қатысып, «Аманай мен Заманай» шығармасынан үзінді көрініс корсетті. Повесте ХХ ғасырдың 30 жылдарындағы халық ақуалы, тіршілігі көрініс береді. Жат жерде жүрген қазақтың елін, жерін сағынып Отанға деген нағыз махаббатын корсетеді. Повестің өскелең ұрпаққа берері мол. Отанын сүюге, патриоттық сезімге тәрбиелейтін повесть қазақ прозасындағы шоқтығы биік туынды болып қала бермек.