"Терең тарих, біртұтас тәрбие- жарқын болашақ" тақырыбында облыстық әдістемелік семинар " №11 санаториялық мектеп-интернаты" коммуналдық мемлекеттік мекемесінің 60 жылдық мерейлі асуына орай өтті.
Алпыс жылды артта қалдырған, мерейлі асудағы білім ұясында өткен облыстық семинар "Ұрпақ болашағы-тәрбие мен білімде" атты тәрбие бірлестігінің апталығымен, "Мамыр ынтымақ айымен" тұспа тұс келген "Терең тарих, біртұтас тәрбие—жарқын болашақ" атты облыстық семинардыңмақсаты жалпы адамзаттық және ұлттық құндылықтарымызды бойына сіңірген ұрпақ тәрбиелеу, ұлттық салт-дәстүрді дәріптеу айы болатын. Түркістан облыстық білім басқармасының "№11 санаториялық мектеп-интернаты" КММ-не жалпы адамзаттық және ұлттық болмыс пен ұлттық жаңа сапасын қалыптастыруға негізделген алты құндылықты басшылыққа ала келе, "Біртұтас тәрбие" бағдарламасы шеңберіндегі "Ұлттық мүдде", " Ар ұят", "Талап" құндылықтарымен сабақтастыра отырып өскелең ұрпақ тәрбиесін жақсарту, іске асыру бойынша, оқу жылында атқарылған жұмыстарды қорытындылау және мектептің 60 жылдық мерейлі тойын атап өтуге 60 тан астам қонақтар келді.
Облыстық семинарда А. Кемелова, Р.Досыбаева, С.Арымбаева, С.Абылхалықова, Б.Ағабеков, А.Сулейманова, Г.Құрбанова, Ж.Сапиева, Л.Наушабекова, Г.Жаппарқұлова ашық сабақтар мен тәрбие сағаттарын өткізгені үшін облыстық білім басқармасының мадақтамасына ұсынылды.
Семинар қорытындысы бойынша мектеп директоры А.Юсупова, директордың тәрбие ісі жөніндегі орынбасары О.Салибеков, әр ауданнан келген директордың тәрбие ісі жөніндегі орынбасарлары, аудандық білім бөлімінің тәрбие әдіскерлері Б.Орынбаев, Б.Сыдықов, Б.Қыстаубаева, Ж.Арыстанбекова, Б. Талипова, Ф.Тагабаева т.б. сабақтарға еніп, талдау, талқылау жасап тәрбиелік іс-шара, сабақтар мен тәрбие сағаттары өте жоғары дәрежеде өткенін айтып, алғыстарын білдірді.